- Tíðindi, mentan og ítróttur
Fyrstu skipini farin á Flemish Cap
Fyrstu skipini farin á Flemish Cap
Tilsamans hava sjey skip fingið loyvi at royna á Flemish Cap í ár
Stapin er eitt av frystilínuskipunum, sum fer at royna á Flemish Cap
13.01.2020 - 12:48
Seint í gjárkvøldið settu fýra frystilínuskip kósina móti Flemish Cap.
Tey eru Jógvan I, Kambur, Jákup B og Stapin.
Trý frystilínuskip afturat hava loyvi til at royna á Flemisk Cap í ár.
Tey eru Klakkur, Eivind og Ågot.
Sambært heimasíðuni Marinetraffic er Eivind nú eisini á veg vestureftir.
Fiskiskapurin kann byrja í morgin
Fiskiskapurin á Flemish Cap kann byrja í morgin, 14.januar.
Toskakvotan er nógv minni í ár enn hon var í fjør.
Í ár er kvotan 1.907 tons. Talan er um felagskvotu.
Í fjør var kvotan 3.911 tons. 2.635 tons vóru felagskvota og 1.276 tons vórðu seld á uppboði.
Er kopiera
Nýggjastu sendingar í ÚV
Nýggjastu sendingar í SV
