Nýggjur dagstovnur við Gøtugjógv

Eysturkommuna hevur sett 12 milliónir krónur av í ár til nýggjan dagstovn við Gøtugjógv. Tað samtykti býráðið beint fyri jól.

Restin verður síðan sett av í 2021 og 2022.

Nýggi dagstovnurin verður 1300 fermetrar til støddar, og fer at hava pláss fyri 112 børnum.

Nýggi dagstovnurin verður niðan fyri plantasjuna við Gøtugjógv, og dentur er lagdur á náttúru, virkisføri og tað skapanarliga, skrivar heimasíðan hjá Eysturkommunu. 

- Vit eru glað fyri at hava verið partur av fyrireikingini av nýggja dagstovninum, sum verður bygdur við okkara námsfrøðiliga arbeiðshátti fyri eyga, sigur Dagbjørt Ólavsdóttir, leiðari á dagstovninum við Gøtugjógv.

Kapping í 2017

Osbjørn Jacobsen Arkitektar vunnu arkitektakappingina í 2017 um nýggja dagstovnin. 

Uppskotið fevnir um ein bygning í tveimum hæddum, sum verða bygdar oman á hvørja aðra, við eini forskjóting.

Bygningurin verður bygdur inn í lendið. Vøggustovurnar eru í ovaru partinum, og barnagarðurin er í niðara partinum.

Við at byggja á henda hátt verður sum minst tikið burtur av lendinum, og urtagarðurinvið trøum omanfyri kemur til sín fulla rætt, skrivar Eysturkommuna.