Umhugsar at gera lóg um vaktarhald í Føroyum

Umhugsar at gera lóg um vaktarhald í Føroyum
Løgmaður hevur svarað einum fyrispurningi frá Akseli V. Johannesen
Løgmaður fer at kanna, um brúk er fyri einari lóg um vaktarhald
Mynd: Bjarni Árting Rubeksen  
 
12.02.2020 - 09:04

Fyrst er neyðugt at kanna, um brúk er fyri einari lóg um vaktarhald í Føroyum.

Tað sigur Bárður á Steig Nielsen, løgmaður, sum hevur svarað einum spurningi frá Akseli V. Johannesen, løgtingsmanni, um vaktarvirksemi.

Aksel V. Johannesen sigur, at hóast lítil kriminalitetur er í landinum, er brúk fyri vaktarfólki, sum halda vakt við almennar og privatar bygningar.

Nógv vinnuligt vaktarvirksemi er longu, men eingin lóg er, og tí ongar treytir um, hvørjar førleikar vaktarfólk skulu hava. Aksel V. Johannesen heldur eisini, at tað hevði verið áhugavert at kanna, um grundarlag er fyri at seta á stovn útbúgving ella skeið í vaktarvirksemi í Føroyum. 

Bárður á Steig Nielsen svarar, at skilagott er at kanna hetta økið. Løgmansskrivstovan fer undir hesar kanningar í næstum.

Ein møguleiki er at brúka treytirnar um duravørðir í nýggju kunngerðini, sum júst er komin.

Verður niðurstøðan tann, at skilabest er at gera eina lóg um vaktarvirksemi í Føroyum, ber til at brúka donsku lóggávuna sum grundarlag, sigur løgmaður.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585