Arbeiðsgevarar: Eiga at fáa avgjaldið endurgoldið

18.02.2020 - 14:53
AktueltVinna
Arbeiðsgevarar: Eiga at fáa avgjaldið endurgoldið
Ein annar máti at rokna út CO2-útlátið hevur gjørt, at stórir vørubilar eru vorðnir dýrari, tí CO2-avgjaldið er vorðið størri
Bilasølur hava nú gjørt vart við, at stórir vørubilar eru vorðnir nógv dýrari eftir lógarbroytingina
 

Tey, sum hava keypt vøruvogn í ár, eiga at fáa CO2avgjaldið, sum tey hava rindað ov nógv, afturgoldið.

Tað heldur Føroya arbeiðsgevarafelag.

Ein annar máti at rokna út CO2-útlátið hevur gjørt, at stórir vørubilar eru vorðnir dýrari, tí CO2 avgjaldið er vorðið størri. Broytingin kom í einari lóg frá 2018. Men fyri vørubilar kom hon ikki í gildi fyrr enn 1.januar í ár.

Fyrr var útlátið mátað eftir einum kanningarhátti, sum eitur NEDC. Men í lógini frá 2018 varð hetta broytt til kanningarháttin, sum eitur WLTP.

Vorðnir nógv dýrari

Bilasølur hava nú gjørt vart við, at stórir vørubilar eru vorðnir nógv dýrari eftir lógarbroytingina. Munurin er millum 27 og 38 prosent.

Tað var ikki ætlanin, sigur Fíggjarmálaráðið, sum nú ætlar at broyta lógina aftur.

Farið verður tó ikki aftur til NEDC. Men avgjaldið eftir WTLP mátingini verður lækkað. 

Akstovan hevur biðið Fíggjarmálaráðið broyta lógina. Akstovan sigur, at nógv færri stórir vørubilar verða seldir nú.

Avgjaldið hækkað 20 prosent

Avgjaldið fyri persónbilar hækkaði í meðal 20 prosent, tá farið varð at máta eftir WLTP-leistinum.

Men ætlanin var ikki, at stórir vørubilar skuldu rinda so stórt avgjald, sum teir gera, sigur landsstýrið.

Tey, sum hava keypt vøruvogn, meðan ótilætlaða ásetingin hevur verið galdandi, skulu ikki líða órætt, tí at ein feilur hevur verið í lógini, og eiga tí at fáa ov nógv rindaða CO2-avgjaldið endurrindað úr landskassanum, sigur Føroya arbeiðsgevarafelag.

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403