Corona: SAS vil hava starvsfólk niður í løn

Avleiðingarnar av coronasmittuni faa nú leiðsluna í skandinaviska flogfelagnum, SAS, at skjóta upp, at starvsfólkini fara niður í løn.

Tað váttar SAS fyri danska kringvarpinum.

Ætlanin er at biðja starvsfólkini um at fara 20 prosent niður í løn í tríggjar mánaðir.

SAS leggur dent á, at samráðast skal við starvsfólkini um ítøkiligar broytingar. Arbeiðstíðin verður eisini stytt samsvarandi.

SAS sigur, at leiðslan í felagnum hevur gjørt av at fara 20 prosent niður í løn, men hon fer at arbeiða sama tímatal sum nú, skrivar DR.