ES-londini fara at bjarga búskapinum

ES-londini eru til reiðar at gera alt, tey eru ment, at tryggja, at búskapurin í Evropa fótar sær aftur eftir coronakreppuna.

Tað eru boðini frá fíggjarmálaráðharrunum í ES, sum hava havt eina videoráðstevnu um støðuna.

Coronasmittan er staðfest í øllum ES-londunum. Italia er nógv meinast rakt. Italskir myndugleikar siga, at corona hevur kravt 2.158 mannalív.

ES-londini ætla brúka eitt prosent av allari bruttotjóðarúrtøkuni til tiltøk, sum kunnu bøta um støðuna í kjalarvørrinum av kreppuni.

Bankar kunnu fáa pening, sum teir kunnu læna smáum og miðalstórum fyritøkum, ið hava tørv á tí. 

Forkvinnan í evropeiska miðbankanum, ECB, Christine Lagarde, segði í síðstu viku, at bara stjórnirnar í hvørjum ES-landi sær kunnu loysa búskaparligu trupulleikarnar, sum coronakreppan hevur elvt til.