Næmingar savna inn til coronaraktan bý í Bolivia

Bolivia-hjálpin víðkar sítt virksemi í ár.

Menningarhjálpin til skúlan í Cochis í Bolivia, er nú eisini vorðin neyðhjálp í býnum.

Orsøkin er korona.

 - Har eru nógv, sum ikki fáa neyðuga matin, tey hava tørv á, sigur Randi Meitil, lærari á Glasir og limur í Bolivia-hjálparbólkinum.

Tað hevur annars verið siðvenja síðani 2010, at næmingar á Glasi skræða ein skúladag úr álmanakkanum og ístaðin arbeiða. Dagslønirnar verða savnaðar saman og sendar til skúlan í Quchis í Bolivia.

So var eisini í ár. Men av tí at støðan er vorðin so álvarsom í býnum, har útgongubann er; savna tey hesa vikuna pengar, sum skulu hjálpa teimum familjum, sum eru ringast fyri í býnum.

Her eru nakrar myndir frá Cochis, har fólk fara út við neyðhjálp. Tey mugu fylgjast við herinum.