Kuldin ikki í lagi hjá átta framleiðarum

Fýra framleiðarar fingu áminning, tí nøkur lýti skuldu rættast, og fýra fingu boð um at halda lógina.

Men hjá 16 virkjum og skipum var alt í lagi.

Heilsufrøðiliga starvsstovan kannaði 24 matvøruvirki og skip, sum frysta, goyma og avskipa frystar fiskavørur.

Kanningin varð gjørd frá mai til desember í fjør.  

Heilsufrøðiliga starvsstovan kannaði sjey av teimum 13 flakavirkjunum í Føroyum, øll fýra uppsjóvarvirkini, bæði laksakryvjivirkini, seks av sjey frostgoymslum og fimm av seks verksmiðjuskipum.    

Heilsufrøðiliga starvsstova hevur síðani eftirlitsátakið staðfest, at tey átta virkini, sum fingið boð um at rætta frávik, hava framt rættingarnar.