Korona: Fleiri enn 10.000 kanningar gjørdar

Nú eru gjørdar 10.003 koronukanningar í Føroyum. Í gjár vóru 146 kanningar gjørdar, og allar vóru negativar.

Nú eru skjótt tveir mánaðir síðani, at nakar varð staðfestur at vera smittaður í Føroyum.

Tað var 6.apríl, tá ein kanning var positiv.18.apríl varð smittan staðfest aftur, og so tann 22.apríl.

Komu við flogfari

Men í øllum trimum førunum var talan um fólk, sum komu til Føroya við flogfari.

Síðani 22.apríl eru 3.733 koronukanningar gjørdar í Føroyum. Allar hava verið negativar.  

187 fólk í Føroyum eru staðfest at hava fingið koronusmittuna. Og tey eru øll vorðin frísk aftur.

Fyrstu ferð, korona varð staðfest í Føroyum, var 3.mars.