Nýggj frystiútgerð á Sandoy Seafood

Sandoy Seafood letur aftur í fimm vikur, tí nýggj frystiútgerð skal setast í virkið.

Virkið hevur nógvan fisk á goysmlu, og tí vóna tey, at fiskurin verður seldur, meðan virkið er stongt, sigur Martin Olsen, stjóri í Sandoy Seafood.

Hann sigur at tað hevur gingið striltið at selja fisk, síðani korona fór at ganga, men nú eru tekin um, at gongd er um at koma á aftur.

400 tons á goymslu

Hann heldur, at Sandoy Seafood hevur eini 400 tons av lidnari vøru á goymslu. Goymslan á virkinum í Skopun tekur ikki alt, og tí hava tey verið noydd at senda fisk á frystigoymslu í Kollafirði.

At hava nógvan fisk á goymslu, bindur nógvan pening, og tívónar stjórin at gongd av álvara lemur á aftur søluna av fiskavørum. Á Sandoy Seafodd virka tey tosk, hýsu og upsa.

Tá nýggja frystiútgerðin er sett upp, fer virkið aftur at taka ímóti fiski, sigur Martin Olsen.