Kunnu fiska ein triðing meira av toski

Toskurin í Barentshavinum er nu so væl fyri, at ICES mælir til, at næstan ein triðingur meira kann fiskast har í 2021 enn í ár.

ICES mælir til, at fiskast kunnu 885.600 tons av toski í Barentshavinum næsta ár.Í ár er tilmælið 690.000 tons.

Tilmælið fyri 2021 er 20 prosent størri enn kvoturnar, sum Noreg og Russland ásettu fyri 2020. Tær eru 738.000 tons. 

Hýsa og upsi

Betur stendur eisini til hjá hýsuni og upsanum í Barentshavinum.

ICES mælir til at fiska 232.500 tons av hýsu og 198.000 tons av upsa næsta ár.

Fyri 2020 eru tilmælini 215.000 tons fyri hýsu og 172.000 tons fyri upsa.