René Shaki Joensen tryggjaði HB sigurin móti ÍF

04.07.2020 - 17:03
ÍtrótturFótbóltur
René Shaki Joensen tryggjaði HB sigurin móti ÍF
René Shaki Joensen varð hetjan, tá hann tryggjaði HB sigurin í spennandi dysti móti íF í Fuglafirði
Avgerandi: René Shaki Joensen skoraði til 2-1 í Fuglafirði
Mynd: © Rakul Hansen/HB  
 

HB legði trýst á hini liðini í toppinum í Betrideildini við 2-1 sigri í spennandi dysti móti ÍF.

Heimaliðið legði seg á odda longu tá 6 minuttir vóru spældir. Tað var leigusveinurin úr Víkingi, Hans Jákup Lervig, sum skeyt málið.

HB svaraði aftur miðskeiðis í fyrra hálvleiki, tá Mathias Nygaard javnaði við skallara. 

Nógvir málkjansir vóru í dystinum, og tað var serliga HB, sum í fleiri umførum var nær við at skora.

Og avgerandi málið kom, tá 21 minuttir vóru spældir av seinna hálvleiki. Landsliðsspælarin, René Shaki Joensen, varð  hetjan hjá oddaliðnum.

Hóast ÍF royndi og var nær við at javna síðstu løtuna, eydnaðist tað ikki, og HB fekk øll trý stigini og kom upp á 28 stig.

ÍF - HB, 1-2
1-0 Hans Jákup Lervig, 6 min.
1-1 Mathias Nygaard, 30 min.
1-2 René Shaki Joensen, 66 min.

 
Nýggjastu sendingar í ÚV
Fríggjadag 14. august
Góðan morgun Føroyar 14.08.2020
112317
Fríggjadag 14. august
Morgunlesturin fríggjamorgunin 14. august 2020
112097
Hósdag 13. august
Summartímin hósdagin 13. august
112292
Hósdag 13. august
Góðan morgun Føroyar 13.08.2020
112276
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809