Lógin um flogferðslu dagførast

Lógin um flogferðslu dagførast
Lógin, sum er ríkislóg, tí málsøkið er danskt, er endurskoðað, og uppskotini um broytingar eru send til hoyringar
Mynd: Bjarni Árting Rubeksen  
 
10.07.2020 - 08:04

Lógin um flogferðslu í Føroyum verður nú dagførd. Lógin, sum er ríkislóg, tí málsøkið er danskt, er endurskoðað, og uppskotini um broytingar eru send til hoyringar.

Ein broyting er, at trygdargjaldið, sum verður stillað eina ferð um árið, verður ikki stillað sum er, tí korona hevur gjørt, at nógv færri ferðast við flogfari. Uppskot er um at bíða til 1. januar í 2025 við stillingini.

Gjaldið hækkar

Og uppskot er eisini um at hækka gjaldið úr 4,75 krónur upp í 6,00 krónur fyri ferðafólkið í 2022. Gjaldið var upprunaliga 6,00 krónur. Av tí, at gjaldið verður stillað hvørt ár, er tað 4,50 í ár. 

Endurgjald fyri skaðar, sum ferðafólk, viðføri ella farmur fáa, verður stillað við kunngerð, tí Føroyar eru hvørki í ES ella EFTA.

Harafturat er uppskot um at gera lógartekstin kynsnoytralan. Heitini hann, hansara ella honum verða strikað, og til dømis heitini ráðharrin, eigarin ella brúkarin sett í staðin fyri.

Er kopiera
Nýggjastu sendingar í ÚV
Mikudag 30. juli
Morgunlestur mikudagur 30. juli 2025
194901
Týsdag 29. juli
Ringreiðin
195039
Týsdag 29. juli
Ólavsøka í Studio 4
195035
Nýggjastu sendingar í SV
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018