Maskur kravdar í Bretlandi

Bretsku myndugleikarnir hava gjørt av, at frá fríggjadegnum 24. juli er tað krav, at fólk í landinum eru í masku, tá tey fara til handils.

Fólk, ið ikki lata seg í masku, kunnu rokna við at fáa bót uppá umleið 100 pund, sum er umleið 820 krónur, skrivar bretska kringvarpið, BBC.

Sambært skrivstovuni hjá bretska forsætisráðharranum, Boris Johnson, eru vaksandi prógv fyri, at tað verjir fólk at vera í masku saman við øðrum innandura, og harumframt verjir tað eisini onnur fólk.