Vertshúsini skulu lata aftur klokkan 23

Helgi Abrahamsen, landsstýrismaður, hevur brúkt heimildina, hann fekk frá løgtinginum seinast í juni at steingja matstovur og skeinkingarstøð í seinasta lagi klokkan 23:00.

Kunngerðin er lýst, hon kemur í gildi í dag og varar allan august. 

Verða skeinkingarstøðini stongd fyri klokkan tvey um náttina, kunnu tey fáa endurgjald úr landskassanum. Tað verður latið eftir somu treytum, sum ferðavinnufyritøkur fáa í hjálparpakka trý.