- Tíðindi, mentan og ítróttur
Støkk-inn kanningarmiðstøðin byrjar í dag
Áhugin fyri at lata seg kanna fyri koronu var munandi minni í gjár enn undanfarnu dagarnar.
Landssjúkrahúsið fer tí undir at gera kanningar frá klokkan 13 í dag.
Ætlanin var annars, at fólk skuldu kunna lata seg kanna frá klokkan 09 í morgun.
Á Suðuroyar sjúkrahúsi verður ikki potað í dag og heldur ikki á Klaksvíkar sjúkrahúsi.
Nógv fólk hava latið seg kanna seinastu dagarnar. Fríggjadagin var aftur met við 4.541 royndum og fólk bíðaðu í fleiri tímar fyri at sleppa framat.
Tað hevur eisini havt langar køir við sær kring landið, har kanningarstøðir eru.
Í eini roynd at bøta uppá tað, hevur Landssjúkrahúsið nú flutt sína kanningarstøð av J.C. Svabosgøtu, har hon hevur verið higatil og niðan á Eirargarð, har ferðsluviðurskiftini eru betur.
Nú verður heldur ikki neyðugt at hava ávísing frá kommunulækna áðrenn tú letur teg kanna. Fólk skulu bara møta upp í bili og verða so skrásett og kannaði á staðnum.
Staðsetingin
Nýggja støkk-inn kanningarmiðstøð á Eirargarði