Fýra smittað aftrat

Fýra fólk aftrat hava fingið staðfest koronusmittuna. 

Tað vísa nýggjastu hagtølini hjá landslæknanum, ið verða dagførd á corona.fo. 

Harumframt eru tvey fólk aftrat løgd inn á Landssjúkrahúsið við koronu, og nú eru fýra fólk innløgd við sjúkuni.

Eitt fólk liggur á intensivari deild, men viðkomandi fær ikki intensiva viðgerð. 

Seks frísk

Hagtølini vísa eisini, at seks fólk eru vorðin frísk seinasta samdøgrið.

Sostatt er talið av smittaðum í løtuni 142 fólk, tvey færri enn í gjár. 

Talið av fólki í sóttarhaldi er eisini minkað, úr 690 niður í  643.