Biden er nú tilnevndur forsetavalevni

Joe Biden, fyrrverandi varaforseti í USA, er nú alment tilnevndur forsetavalevni hjá demokratunum. Hann var tilnevndur á landsfundinum hjá flokkinum í nátt, eftir at umboð fyri statirnar høvdu greitt atkvøðu.

Tað hevur annars verið greitt síðani í juni, at Joe Biden fór at gerast valevni, tí tá hevði hann fingið nóg stóra undirtøku.

Joe Biden takkaði fyri álitið.

Á netinum

Koronasmittan ger, at landsfundurin hjá demokratunum verður hildin á netinum, og har eru eisini røður at hoyra, eins og innsløg eru úr øllum pørtum av USA.

Joe Biden fer í morgin at halda røðu á landsfundinum.

Forsetaval verður í USA 3. november.