Slovakar fáa møguleika at manna nýtt lið

Slovan Bratislava fær møguleika at manna nýtt lið til Champions League-dystin móti KÍ, sum fyribils er útsettur til fríggjakvøldið.

Tað er greitt, eftir at umboð fyri KÍ, Slovan Bratislava, FSF og UEFA hava havt fund um støðuna. 

Eftir ætlan skuldi dysturin spælast í Klaksvík í kvøld, men tá farsóttarnevndin í gjárkvøldið gjørdi av, at allur hópurin hjá liðnum skal í sóttarhald, tí ein fysioteurapeutur hevði fingið staðfest koronusmittu, gjørdist greitt, at dysturin ikki kundi spælast. 

Men nú fær felagið møguleikan at manna eitt lið við øðrum leikarum, ið kunnu spæla dystin fríggjakvøldið klokkan 19. 

Meira verður at frætta í útvarpstíðindunum á middegi.