- Tíðindi, mentan og ítróttur
Jeppe Kofod til Føroya í næstu viku
Jeppe Kofod til Føroya í næstu viku
Uttanríkisráðharrin fer m.a. at vitja í Suðuroynni og at hitta Uttanlandsnevndina
![](https://kvf.fo/sites/default/files/styles/grein-ovasta-mynd/public/ok-jeppe-kofod_2.jpg?itok=uSDhtwOu)
Jeppe Kofod, uttanríkisráðharri, kemur til Føroya mikukvøldið og vitjar í tveir dagar
27.08.2020 - 11:01
Danski uttanríkisráðharrin, Jeppe Kofod, kemur til Føroya mikukvøldið í næstu viku.
Hósmorgunin, tá úrslitið væntandi er komið frá koronukanningini á flogvøllinum, hava Jenis av Rana, landsstýrismaður, og Jeppe Kofod fund í Havn. Eftir tann fundin, sum varar hálvan annan tíma, verður tíðindafundur.
Til Suðuroyar
Seinnapartin hósdagin fara teir við tyrlu til Suðuroyar, har teir skulu síggja kolanámini í Rangabotni.
Haðani fara teir til gongu til Tvøroyrar.
Ætlanin er eisini at vitja Varðan Pelagic og Salt.
Fundur við Uttanlandsnevndina
Fríggjamorgunin verður farið til Havnar við Smyrli. Fyrrapartin fríggjadagin verður fundur við Uttanlandsnevndina.
Seinnapartin fríggjadagin fer Jeppe Kofod aftur til Danmarkar.
Nýggjastu sendingar í ÚV
Nýggjastu sendingar í SV