Heimini í Havn lata upp fyri vitjanum

Fríggjadagin flytur virkis- og venjingarstovan á Boðanesheiminum inn aftur í høli síni á Boðanesheiminum. Tjarnarlon flytur inn aftur í Lágargarð mánadagin 14.septembur. 

Dagtilboðini verða skipað sum heildagstilboð.

Tilhaldið millum Bóla letur eisini upp aftur mánadagin. Og tilhaldini í Tórsgøtu og í Nólsoy lata eisini meira upp. 

Venjingar í Badmintonhøllini byrja aftur í morgin, og venjingar í Fimi byrja hósdagin.

Open Gym í Burn byrjar 21.september.

Neyðugt er við tilmelding fyri at halda almennu tilmælini um frástøðu, sigur Heilsu- og umsorganartænastan hjá Tórshavnar kommuna.

Lata upp fyri vitjanum

Í dag lata heimini í Tórshavnar kommunu upp aftur fyri vitjanum og øðrum virksemi, sum var í heimunum fyri koronu. 

Ongar avmarkingar eru viðvíkjandi vitjandi, tó skulu vitjanir framvegis vera í búrúminum, og vitjanir verða skrásettar.

Hava vitjandi ella fólk, sum eru knýtt at tilboðunum, verið uttanlands, skulu tey vera heima fyrstu vikuna.

Og ein kanning, sum staðfestir, at fólk ikki eru smittað, skal fyriliggja á sætta degi. 

Eisini skulu fólk vera heima og lata seg kanna, um tey hava sjúkueyðkenni.