Stríð um tilnevning av hægstarættardómara í USA

Stríð um tilnevning av hægstarættardómara í USA
Hægstirættardómarin Ruth Bader Ginsberg doyði í gjár 87 ára gomul, og nú hevur eitt stríð tikið seg upp um, hvør skal tilnevna ein nýggjan dómara
 
19.09.2020 - 14:13

Hægstirættardómarin Ruth Bader Ginsberg doyði í gjár, 87 ára gomul. Í kjalavørrinum av tí byrjar eitt stríð um, hvør skal tilnevna ein dómara í hennara stað. Í USA tilnevnir sitandi forsetin hægstarættardómarar - tey vera síðani sett av senatinum og vera sett fyri lívið. 

Amerikanska forsetavalið verður í november, og mótstøðumaðurin hjá Trump, demokraturin Joe Biden, hevur longu boðað frá á Twitter, at hann heldur, at hægstirættardómari skal veljast eftir valið.

Tá valskeiðið hjá fyrrverandi forsetanum, Barack Obama, lakkaði ímóti endanum, doyði hægstirættardómarin, Antonin Scalia. Senatið, sum eisini tá hevði republikanskan meiriluta noktaði at taka tilnevningina hjá Barack Obama av Merrick Garland upp fyri valið. Sostatt var tað Donald Trump, sum slapp at tilnevna eftirkomaran hjá Antonin Scalia. Og nú er líkt til, at hann fer at tilnevna tann triðja hægstarættardómaran, tí senatið hevur longu boðað frá, at tann, sum Trump tilnevnir, verður settur. Tískil verður hetta triði hægstirættardómari, sum Trump tilnevnir

87 ára gamla Ruth Bader Ginsberg var kend fyri sínar áskoðanir á millum annað javnrættindi, og hon hevur verið hægstirættardómari síðani 1993, tilnevnd av táverandi forsetanum, Bill Clinton.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585