Ætlaðu at eitra Trump

Í farnu viku fekk amerikanski forsetin, Donald Trump, ein pakka við eitrinum ricin í.  

Tað skriva fleiri miðlar.

Allur postur verður skildur fyrst, áðrenn hann verður borin Hvítu Húsunum.

Og í skiljingini á einum posthúsi nærindis Hvítu Húsunum varð staðfest, at eitur var í pakkanum, skrivar CNN.

Sendur úr Kanada

Hildið verður, at pakkin er sendur úr Kanada.

Tvær ymsar kanningar vístu, at talan var um sterka eitrið ricin. 

Kemur ricin í kroppin, elvir tað til álvarsligan skaða, og fólk kunnu doyggja av tí.

Fregnartænastan kannar nú pakkan, og hvaðani hann er komin, skrivar Reuters.