Krav at brúka masku í bussinum

Í morgin verður tað eitt krav, at øll, sum koyra við Bussleiðini í Havn, skulu brúka masku. Kravið er galdandi fyri øll, sum klára at ferðast einsamøll, sigur Tórshavnar kommuna.

Skipanin er galdandi, til smittutalið er komið niður á 0.

Kravið byggir á ráðini frá koronu-ráðgevingini, sum beinleiðis mælir til at brúka masku.

Bussførararnir kunnu nokta fólki atgongd til bussin, um tey ikki vilja brúka masku, sigur Tórshavnar kommuna.