Næmingar og lærarar á Glasi verða kannaðir

Trý fólk í eini familju Havn fingu í gjár staðfest covid-19 virus.

Børnini í hesi familjuni ganga á Glasi, Skúlanum á Fløtum og einum barnaansingarstovni í Tórshavnar kommunu.

Í gjár var ógreitt, hvaðani smittan stavar, men tað er greitt, at tey eru smittað í Føroyum, segði Bjarni á Steig, ráðgevi hjá Heilsumálaráðnum, við Útvarpið í gjárkvøldið.

Avleiðingin av hesum er, at børn og starvsfólk á barnaansingarstovninum, allir næmingar og lærarar á  Glasi, og fýra flokkar á Skúlanum á Fløtum - tað eru næmingar og lærarar á ítróttarrásini, sum heldur til í Gundadali - kannast fyri koronu.

Tey skulu vera við hús, til tey hava fingið svar upp á seinnu koronukanningina, sum verður tikin mikudagin.

Tað merkir, at hini í Skúlanum á Fløtum eru ikki er ávirkað.

- Hóast Glasir er ein stórur stovnur, er onki annað at gera, enn at kanna øll á Glasi, sigur Jenis av Rana, landsstýrismaður í mentamálum.