Fíggjarlógin 172 mió. kr. í halli næsta ár

Fíggjarlógin næsta ár fer at hava umleið 172 milliónir krónur í halli.

Samlaðu inntøkurnar verða mettar til 5,8 milliardir krónur, og rakstrar- og íløguútreiðslurnar verða mettar til slakar seks milliardir kr.

Skattainntøkurnar verða mettar til tvær milliardir og 542 milliónir, og inntøkur frá avgjøldi og tolli verða mettar til umleið 2,6 milliónir kr. 

Lønarhækkingin er 2,2 prosent, og hon er framskrivað fyri allar stovnar. Tó eru stovnar, har serstøk viðurskifti hava við sær aðra lønarframskriving, sigur Fíggjarmálaráðið.

Íløgurnar næsta ár verða 522 milliónir kr., og tað er tað sama sum á fíggjarlógini í ár.

Uppskotið um fíggjarlóg varð lagt fyri tingið fyrrapartin, og Jørgen Niclasen, landsstýrismaður, hevði beint eftir tíðindafund um fíggjarlógina.

Ætlanin er, at fíggjarlógaruppskotið skal fáa fyrstu viðgerð í tinginum týsdagin.

Sí uppskotið um fíggjarlógina fyri 2021 her