Hittast aftur mánamorgunin

02.10.2020 - 09:11

Aktuelt›Pengar

Um vikuskiftið viðgera partarnir uppskotini um broytingar í sáttmálanum, sum teir hava fingið frá hinum partinum

Sjúkrarøktarfrøðingarnir og Lønardeildin hava verið til seming í hesari vikuni. Her støkkur semingsmaðurin inn á gólvið í fundarhølunum hjá sjúkrarøktarfrøðingunum

Mynd: Bjarni Árting Rubeksen

Semingsroyndin er ikki liðug enn, og sjúkrarøktarfrøðingarnir og Lønardeildin hjá Fíggjarmálaráðnum hittast aftur mánamorgunin.

Um vikuskiftið viðgera tey uppskotini um broytingar í sáttmálanum, uppskot, sum tey hava fingið frá hinum partinum.

Og mánamorgunin klokkan níggju hittast teir aftur hjá Semingsstovninum á Hotel Brandan.

Nú eru tvær vikur síðani, Semingsstovnurin varð boðsendur, tí Fíggjarmálaráðið og felagið hjá sjúkrarøktarfrøðingunum ikki funnu semju um nýggjan sáttmála.

Og mánadagin byrjaði semingsroyndin, og hon heldur fram næsta mánamorgun.