Nógvar gitingar um amerikanska forsetan

bannari
02.10.2020 - 15:22
AktueltÚtheimurin
Nógvar gitingar um amerikanska forsetan
Hóast forsetahjúnini hava fingið staðfest koronu, er Donald Trump væl fyri, og hann kann røkja sínar skyldur, sigur læknin hjá forsetanum
Amerikansku forsetahjúnini eru farin í sóttarhald, eftir at tey hava fingið staðfest koronu
 

Nógv verður gitt, hvat fer at henda, nú Donald Trump, forseti, hevur boðað frá, at hann og konan, Melania, hava fingð koronu.

Tey eru bæði farin í sóttarhald í Hvítu húsunum, men sambært lækna forsetans, kann hann røkja allar sínar skyldur sum forseti.

Trump skuldi verið á einum veljarafundi í dag, men hann varð avlýstur, og tað eru øll onnur tiltøk hjá forsetanum eisini.

Tí verður spurningurin settur, hvørja ávirkan sjúkan kann hava á forsetavalið, sum verður um 31 dagar.

Er væl fyri

Læknin hjá forsetanum, Sean Conley, sigur, at forsetin hevur tað gott, og hóast hann er 74 ára gamal, so er hann væl fyri.

Veljarafundurin í Orlando í Florida í dag varð avlýstur, og spurningurin er nú, nær forsetin er nóg birgur at taka valstríðið uppaftur.

Amerikansku myndugleikarnir mæla til at fólk, sum hava fingið koronu, eru í sóttarhaldi í 10 dagar. Og hóast forsetin einki merkir til sjúkuna í 14 dagar aftrat, so er óvist, um hann kann hitta veljararnar í fleiri býum, har ivin um valúrslitið er størstur. Fleiri slíkir fundir vóru settir á skránna.

Næsta orðaskiftið millum forsetavalevnini verður 15. oktober í Miami, men enn er óvist, um henda politiska hólmgongan verður.

Pompeo tekur við

Verður forsetin álvarsliga sjúkur, má varaforsetin, Mike Pence, taka við sum forseti, tí grundlógin sigur, at um ein forseti ikki er førur fyri at røkja embætið, skal varaforsetin taka við.

Tað hendi í november í 1963, tá Lyndon B. Johnson, varaforseti, tók við sum forseti, bert tveir tímar eftir at John F. Kennedy, forseti, varð myrdur.

Forsetavalið verður 3. november, men eftir amerikansku skipanini, er valið longu byrjað í nøkrum statum. Og sambært grundlógini skal valið vera 3. november. Bara kongressin kann avgera at flyta valdagin.

Skuldi tað hent, at valdagurin verður fluttur, so stendur kortini rimmarfast, at skeiðið hjá Donald Trump, forseta, endar 20. januar næsta ár.

 
Nýggjastu sendingar í ÚV
Mánadag 26. oktober
Morgunlestur mánadagur 26.oktober 2020
115141
Sunnudag 25. oktober
Guðstænasta í Fuglafjarðar kirkju
115254
Sunnudag 25. oktober
Meg minnist: Einar Larsen (5:5)
115110
Sunnudag 25. oktober
Ólavur Højgaard er gestur í Brunsj
115244
Sunnudag 25. oktober
Credo: Vakurleiki
115203
Nýggjastu sendingar í SV
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073