Fíggjarlógin farin í fíggjarnevndina

Uppskotið um fíggjarlóg fyri 2021 er nú farið í Fíggjarnevndina. 

Fíggjarnevndin hevur longu fyrsta fundin um fíggjarlógina fyrrapartin í dag.

Fyrsta viðgerð endaði í gjárkvøldið klokkan eitt korter til sjey. Tá hevði viðgerðin vart í tveir heilar dagar. 

Løgtingsfundur er í dag klokkan 11.00. Fimm fyrstu viðgerðir eru á skránni. Hetta eru mál hjá landsstýrinum. 

Setanarrøða og fíggjarlóg

Fólkatingið hevur eisini fund í dag.

Fólkatingið fer at viðgera røðuna, sum Mette Frederiksen, forsætisráðharri, helt fyrradagin, tá fólkatingið varð sett.

Og fíggjarlógaruppskotið fyri 2021 er eisini á skránni hjá fólkatinginum í dag.