Koronuvirus livir leingi á fartelefonini

bannari
12.10.2020 - 15:44
AktueltHeilsa
Koronuvirus livir leingi á fartelefonini
Koronuvirusið kann halda seg virkið í 28 samdøgur á eitt nú telefonskermum, vísa úrslit av eini australskari kanning
 

Tað er almenna australska kanningarstøðin, CSIRO, sum hevur gjørt kanningina, skrivar bretska kringvarpið, BBC.

Australska kanningin gevur ábendingar um, at koronuvirusið kann vera virkið í 28 samdøgur á glattum flatum, so sum telefonskermum, rustfríum stáli og á pengaseðlum.

Treytin er kortini, at virusið er í myrkri og at hitin er støðugur á 20 stigum. Til samaberingar verður nevnt, at vanligt krímvirus kann vera virkið í 17 samdøgur undir somu viðurskiftum, upplýsir BBC.

Nakrir granskarar halda lítið um kanningina

Kanningin vísir greitt, at koronuvirsusið er seigt, og var virkið styttri tíð undir heitari umstøðum, enn undir kaldari umstøðum. Kanningin vísti, at virusið steðgaði við at breiða seg eftir einum samdøgri í 40 hitastigum.

Aðrir granskarar halda ikki nógv um nýggju kanningina, tí tað er longu prógvað, at ultraviolett ljós ger av við virusið, skrivar BBC.

Millum annað segði Emanuel Goldman, professari, longu í juni, at smáir møguleikar vóru fyri, at koronuvirusið breiddi seg á glattum flatum.

Stjóri verjir kanningina

Ein annar granskari, Ron Eccles, frá universitetinum í Cardiff, sigur tað vera at leypa óneyðugan ótta á fólk, at siga teimum, at virusið kann vera virkið so leingi.

Stjórin á australsku kanningarstovuni, Larry Marshall, verjir kanningina.

Við at fáa greiðu á, hvussu leingi virusið kann vera virkið á sløttum flatum, kunnu vit vera við til at avmarka breiðsluna, og harvið kunnu vit verja fólk, sigur hann.

 
Nýggjastu sendingar í ÚV
Mánadag 26. oktober
Morgunlestur mánadagur 26.oktober 2020
115141
Sunnudag 25. oktober
Guðstænasta í Fuglafjarðar kirkju
115254
Sunnudag 25. oktober
Meg minnist: Einar Larsen (5:5)
115110
Sunnudag 25. oktober
Ólavur Højgaard er gestur í Brunsj
115244
Sunnudag 25. oktober
Credo: Vakurleiki
115203
Nýggjastu sendingar í SV
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122
Mikudag 21. oktober
Eivør - útgávukonsert
115073