Korona: Landstingið í Grønlandi sent til hús

Landstingið í Grønlandi er sent til hús í ótíð, tí eitt fólk, sum hevur verið í sambandi við eitt koronusmittað fólk, hevur verið á fundi við fíggjarnevndina hjá landstinginum.

Øll í fíggjarnevndini eru nú í sóttarhaldi.

Orsøkin er, at eitt fólk í Aasiaat, sum er smittað við koronu, hevur ikki hildið tilmælini um sóttarhald.

Eitt annað fólk, sum hevur verið fundi í Nuuk við fíggjarnevndina hjá landstinginum, hevur havt tætt samband við smittaða fólkið.

Landstingið er tí sent til hús fyribils, til vissa fæst, um limirnir í fíggjarnevndini eru smittaðir ella ikki.

Í fíggjarnevndini eru sjey fólk.