Noyðast at bjóða byggilendi við Miðhorn út

Tórshavnar kommuna noyðist at bjóða út 6.700 fermetrar av byggilendi, sum kommunan eigur við Miðhorn .

Ætlanin var annars at gera makaskifti við eitt felag, sum hevur bygt undir Kongavarða.

Har skuldi felagið byggja 96 íbúðir.

Men fólk á staðnum mótmæltu, so felagið slapp bara at byggja 48 íbúðir. 

Afturfyri skuldi felagið so sleppa at byggja hinar 48 íbúðirnar við Miðhorn.

Men Kommunala eftirlitið góðkendi ikki ætlanina hjá kommununi um makaskiftið.

Tí verður lendið boðið út í almennari sølu.