Korona: Løgtingsfólk skulu eisini halda tilmælini

bannari
12.11.2020 - 15:26
AktueltPolitikkur
Korona: Løgtingsfólk skulu eisini halda tilmælini
Tey skulu kannast, tá tey koma heimaftur, og hava negativt kanningarúrslit sætta dagin eftir heimkomu
Nýggju reglurnar eru galdandi fyri bæði landsstýris- og løgtingsfólk, í sambandi við arbeiði í tinginum
Mynd: Bjarni Árting Rubeksen  
 

Krøvini til tingfólk og landsstýrisfólk verða nú herd, so tingið kann verða vart á besta hátt, nú COVID-19 herjar í londunum uttan um okkum. Tað hevur formansskapurin í løgtinginum gjørt av.

Tingfólk, landsstýrisfólk og onnur, sum hava verið uttanlands, og sum koma í løgtingið í sambandi við arbeiði har, skulu hava eitt negativt kanningarúrslit, tá tey koma heimaftur, og eitt negativt úrslit sætta dagin eftir heimkomu.

Hetta er ein ófrávíkilig treyt fyri at kunna møta í løgtinginum, sigur formansskapurin.

Nevndarlimir fáa undantak

Áhoyrarar hava framvegis ikki atgongd til tingfundirnar, men kunnu fylgja orðaskiftunum í sjónvarpi, útvarpi ella á heimasíðuni hjá løgtinginum.

Í sambandi við nevndarfundir verður gjørd tann undantaksregla, at nevndarlimir, sum orsakað av hesum forboði ella kravt sóttaruppihald, ikki kunnu møta á nevndarfundi, kunnu vera á fundinum í telefon ella á netinum.

Hetta skal í hvørjum einstøkum føri avtalast við nevndarformannin og umsitingina frammanundan.

 
Nýggjastu sendingar í ÚV
Sunnudag 29. november
Credo: Nýggj lungu og nýtt lív
116845
Leygardag 28. november
Á Quiztinum - 2. hálvfinala
116908
Leygardag 28. november
TEMAPLÁTAN: Eye of the Tiger, Survivor, 1982
116907
Leygardag 28. november
Jambalaja 281120
116905
Nýggjastu sendingar í SV
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610