SEV er liðugt at arbeiða í Eysturoyartunlinum

Arbeiðið hjá Sev í Eysturoyartunlinum er liðugt.

11 transformarastøðir eru settar upp í tunlinum, og 34 kilometrar av káplum eru drignir.

Arbeiðið vardi í fýra mánaðir.

Tunnilin brúkar líka nógvan streym sum ein hampuliga stór bygd, sigur Henrik Eskildsen, kaðal- og linjumeistari hjá SEV. 

Nú er eisini kápulsamband millum Sundsverkið og Eysturoynna gjøgnum tunnilin. 

Higartil hevur sambandið millum Sundsverkið og Eysturoynna verið gjøgnum sjókáplar og loftlinjur.