Stóra rúsevnismálið útsett til 1. februar

Nevningatingið um stóra rúsevnismálið er nú útsett til 1. februar næsta ár. Orsøkin er sjúka. Hósdagin verður rættarfundur um varðhaldsfongslingina.

Teir tríggir, sum eru ákærdir í málinum, hava verið varðhaldsfongslaðir í skjótt eitt ár nú, síðani 21. november í fjør.

Hósdagin skal Føroya rættur avgera, um teir skulu latast leysir, ella um teir framvegis skulu vera í varðhaldi.

Tvær vikur vórðu settar av til nevningatingið. Tað var í síðstu viku og í gjár. Men nú er tað útsett til 1. februar næsta ár.