Pfizer biður um at fáa koppingarevni góðkent

Heilivágsfyritøkan Pfizer hevur biðið um eina neyðgóðkenning av koppingarevninum fyri koronu, so tað kann takast í brúk í desember.

Tað skriva amerikanskir miðlar.

Ætlanin er, at amerikanarar, sum eru í vandabólki, skulu verða fyrstir at verða koppsettir.

Stjórin í Pfizer, Albert Bourla, sigur, at tað hevur stóran týdning at fáa  koppingarevnið góðkent í USA, áðrenn tað fer víðari til onnur lond. 

Í umsóknini um at fáa góðkenning í USA, sigur Pfizer, at koppingarevnið er trygt, og at tað virkar 95 prosent.