- Tíðindi, mentan og ítróttur
Fýra tilburðir í gjár
Fýra tilburðir í gjár
Í løtuni eru 58 fólk smittað av koronu
![](https://kvf.fo/sites/default/files/styles/grein-ovasta-mynd/public/koronakanning.jpg?itok=4W2w3U8j)
Nógv hava latið seg kannað fyri koronu seinastu tíðina. Í gjár vórðu umleið 1500 kanningar. Henda myndin er tikin jólaaftan, tá langar bilrøðir við fólki bíðaðu eftir at sleppa framat á eystaru bryggju í Havn at verða kannað
05.01.2021 - 14:50
Fýra smittutilburðir vórðu staðfestir í gjár, vísa nýggjastu tølini hjá Landslæknanum.
Tann eini tilburðurin hevur samband við smittuketu, ið Landslæknin fylgir. Hinir tríggir eru frá nýggjari smittuketu, sum Landslæknin nú kannar.
Í gjár vórðu 1.499 kanningar gjørdar, og allar kanningarnar eru liðugt greinaðar. Tilsamans eru gjørdar 203.657 kanningar.
626 fólk fingið smittuna í Føroyum. 568 eru frísk aftur, og sostatt eru 58 fólk smittað í løtuni.
Tvey fólk eru innløgd við koronu.
Nýggjastu sendingar í ÚV
Nýggjastu sendingar í SV