19 milliónir bíligari enn í fyrsta útboðnum

Heimið til børn og ung við autismu verður munandi bíligari at byggja. Tað skrivar Almannaráðið í tíðindaskrivi.

Evstamark at lata inn tilboð var í gjár, og tilboðini vóru bíligari enn kostnaðarmetingin, sigur Almannaráðið.

 >> SÍ EISINI Autismuheim boðið út aftur

Í heiminum í Kvíggjartúni á Argjum verða seks bú- og viðgerðarpláss, seks umlættingarpláss og dagtilboð til 16 fólk. 

Heimið fer at kosta tilsamans 39 milliónir krónur, sigur Elsebeth Mercedes Gunnleygsdóttur, landsstýriskvinna í almannamálum.

Lægsta tilboðið 56 milliónir í fjør

Arbeiðið var upprunaliga boðið út í fjør, og tá prísurin var hægri enn kostnaðarmetingin. Lægsta tilboðið, saman við øðrum útreiðslum, var omanfyri 56 milliónir krónur, skrivar Almannamálaráðið.

Arbeiðið hesaferð er boðið út í sjey arbeiðstøkum, fyri at fáa so góðan prís sum gjørligt. Nú skulu innkomu tilboðini kannast nærri.

Gongst sum ætlað, verður spakin settur í í vár, og arbeiðið tekur umleið hálvtannað ár.