Raðfesting gjørd fyri koppsetingina

Í løtuni eru tað nógv, sum venda sær til sjúkrahúsini og aðrar almennar myndugleikar fyri at sleppa skjótari fram at at koppseta seg fyri koronu.

Næst í røðini eru avvarðandi hjá fólki í serligum vandabólkum, tey verða koppsett síðst í hesum mánaðinum. Fyrst í februar verða fólk, sum eru yvir 65 ár og fáa røkt og hjálp, og fólk, sum eru 85 ár og eldri, koppsett.

"Restin" fær koppsetingina seint í mars

Síðst í mars fáa 80-84 ára gomul og 75-79 ára gomul fyrru koppsetingina fyri koronu. Statens Seruminstitut hevur váttað, at koppingarevni er tøkt til og við mars mánað.

Koppingarevnini koma til Føroya í avmarkaðum nøgdum, og tí hevur verið neyðugt at raðfesta koppsetingina.

Væntandi verður farið at koppseta restina av fólkinum síðst í mars, skrivar corona.fo, har tú kanst síggja yvirlit, nær hvørjir bólkar fáa tilboð um koppseting.