Christian Andreasen heldur fram

Christian Andreasen verður forseti í Fótbóltssambandi Føroya í minsta lagi eitt skeið afturat.

Limafeløgini í FSF eru samd um at stilla Christian Andreasen upp til aðalfundin, sum verður um tvær vikur, og sostatt verður einki mótvalevni.

Christian Andreasen sigur, at arbeiðini, sum eru sett í gongd, halda fram sum ætlað.

Menningarætlanin, sum FSF hevur gjørt fyri næstu fýra árini, snýr seg millum annað um at menna feløgini, at skapa betri karmar til føroyskan fótbólt, at menna kvinnufótbóltin og at seta fokus á ungdómsfótbólt, millum annað við at fáa fleiri børn at spæla fótbólt.