Nýtt ráð fyri Vísindaráðið

Nýtt ráð fyri gransking, menning og nýskapan skal setast í staðin fyri Vísindaráðið. 

Sjey fólk skulu veljast í ráðið.

Landsstýrisfólkið í mentamálum lýsir alment eftir uppskotum um limir til ráðið og heitir á stjórnarráðini, Fróðskaparsetrið og aðrar granskingarstovnar, Arbeiðsgevarafelagið og arbeiðstakarafeløgini um at koma uppskotum.

Ein trímannanevnd skal viðgera uppskotini og geva landsstýrisfólkinum tilmæli við í minsta lagi 10 nøvnum.

Er til hoyringar

Uppskotið um kunngerðina um nýggja ráðið er til hoyringar í løtuni.

Løgtingið samtykti fyrst í juni í fjør nýggja lóg um ráðgeving og stuðul til gransking, menning og nýskapan. 

Lógin kom í gildi 1.januar í ár.

Granskingarnevndin verður umskipað til eina faknevnd og stjórnar ikki longur Granskingargrunninum.