Hybridbilar fáa eisini avgjaldslætta

Løgtingið hevur fyri løtu síðani endaliga samtykt uppskotið hjá Jørgeni Niclasen, landsstýrismanni, um at bæði hybridbilar og plug-in hybridbilar eisini skulu fáa avgjaldslætta.

Tá atkvøtt varð við triðju viðgerð, vóru 16 atkvøður fyri og 14 ímóti.

Við triðju viðgerð skutu tingfólk í andstøðuni upp at taka vanligar hybridbilar úr lógini um avgjaldslætta, og undir viðgerðini varð eisini biðið um at fáa alt málið aftur í fíggjarnevndina.

Tað varð ikki samtykt.

Broytingaruppskotið frá andstøðuni fall eisini. 14 atkvøður vóru fyri og 16 ímóti.