Eitt ár síðani fyrsta koronutilburðin

Í dag er eitt ár, síðani korona kom til Føroya. 4.mars í fjør varð boðað frá fyrsta koronutilburðinum í Føroyum.

Tann smittaði maðurin, sum býr í Hoyvík, var í París á einari ráðstevnu, og kom aftur til Føroya 24.februar.

658 fólk, sum búgva í Føroyum, hava verið smittað. Eitt fólk er deytt við koronu. Nú er eingin smittaður, og eingin er longur í sóttarhaldi.

7.000 eru koppsett

Seinasti tilburður í Føroyum varð funnin 15.februar. 232.307 kanningar eru gjørdar í Føroyum.

7.041 koppsetingar eru gjørdar í Føroyum. 4.211 fólk hava fingið fyrru koppsetingina. Hetta svarar til 7,9 prosent av fólkinum. 

2.830 fólk hava fingið seinna prikið. Tey eru 5,3 prosent av fólkinum í Føroyum.