Útróðrarbátur sleipaður á Miðvág

Bjargingarbáturin, Rescue Sverri, sleipaði í gjár ein útróðrarbát á Miðvág. Útróðrarbáturin var staddur umleið fimm fjórðingar vestan fyri Sandoynna, tá hann um middagsleitið í gjár fekk um skrúvuna.

Rescue Sverri sleipaði útróðrarbátin, ein 34 føtur plastbát við einum manni umborð, á Miðvág, har teir komu um trítíðina í gjár.

Tað var gott veður á havinum, og tað gekk væl at sleipa bátin til lands, sigur vakthavandi á MRCC Tórshavn við útvarpið.