Hjálparpakki fyri 1.900 mia. dollarar

Nú er bara eftir hjá amerikanska forsetanum, Joe Biden, at skriva undir hjálparpakkan, so hann fær gildi. 

Ein meiriluti í umboðsmannatinginum hevur samtykt hjálpina, sum nevnist American Rescue Plan. Tað hendir, eftir at senatið samtykti hjálparpakkan um vikuskiftið. Bara ein demokratur atkvøddi ímóti.

Hjálparpakkin, sum er 1.900 milliardir dollarar, er broyttur fleiri ferðir, men nú er hann klárur, og sambært Hvítu Húsunum, fer forsetin at skriva undir hjálpina í morgin.

Hjálparpakkin hevur millum annað við sær, at flestu amerikanarar fara at fáa ein kekk uppá 1.400 dollarar, sum svara til 9.000 krónur.