Andstøðan umrøður tilfeingisgjaldið

Andstøðan umrøður tilfeingisgjaldið
Ikki greitt, um landsstýrismaðurin fær svar í dag
Ruth Vang, forkvinna í Framsókn, og hini í andstøðuni umrøða í løtuni um tilfeingisgjald, sum tey hava fingið frá landsstýrismanninum í fíggjarmálum
Mynd: Bjarni Árting Rubeksen  
 
12.03.2021 - 13:01

Teir tríggir andstøðuflokkarnir, Javnaðarflokkurin, Tjóðveldi og Framsókn, umrøða í dag uppskotið um tilfeingisgjald, sum Jørgen Niclasen, landsstýrismaður í fíggjarmálum, sendi flokkunum í fyrrakvøldið.

Flokkarnir eru ikki lidnir at umrøða uppskotið, og tí er ikki greitt, hvat teir fara at svara.

Flokkarnir vilja hvør í sínum lagi hava broytingar í uppskotinum, sum landsstýrið hevur gjørt, og tí ber ikki til at siga, um andstøðuflokkarnir saman, ella hvør sær, fara at svara Jørgeni Niclasen.

So langt er umrøðan ikki komin enn, sigur Ruth Vang, forkvinna í Framsókn.

Jørgen Niclasen, landsstýrismaður, vildi ikki siga í gjár, hvussu langt, hann hevur toygt seg, fyri at ganga andstøðuni á møti. Ruth Vang vil heldur ikki siga, hvat stendur í uppskotinum frá landsstýrismanninum.

Jørgen Niclasen hevur biðið andstøðuflokkarnar um svar í dag, men enn er ikki greitt, um teir svara í dag, sigur Ruth Vang, forkvinna í Framsókn.

Er kopiera
Nýggjastu sendingar í ÚV
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762