Sunda kommuna bjóðar lestrarhøli

Sunda kommuna ætlar nú at bjóða lesandi á hægri lærustovnum lestrarhøli í kommununi.

Í fyrsta umfari ætlar kommunan at bjóða fólki lestrarhøli beint eftir páskir og til summarfrítíðina.

Kommunan fer nú at kanna, um fólk, sum ganga á hægri lærustovnum, hava tørv á lestrarhøli, áðrenn farið verður at finna hóskandi høli.

Hugsað verður serliga um tey, sum eru heimalesandi, skulu skriva uppgávu, ella fyrireika seg til próvtøku, sigur kommunan.