Føroyingar fáa talgilt koronupass

Fólk, sum eru vaksinerað fyri koronu í Føroyum, fáa eitt koronupass. Sjúkrahúsverkið er í ferð við at gera eina talgilda koppsetingarkvittan. Kvittanin kann fáast sum PDF, men kann eisini leggjast í AppleWallet. 

Seinni verður kvittanin væntandi eisini tøk til fartelefonir, sum brúka Android, tá Google hevur gjørt eitt standard koronupass til teirra wallet, sum skal kunna brúkast í øllum londum.

Arbeiða saman við Smyril Line

Sjúkrahúsverkið arbeiðir saman við Smyril Line um koronukvittanina. Smyril Line hevur gjørt bókingarskipaninar, sum Sjúkrahúsverkið brúkar í sambandi við koronukanningarnar og koronukoppsetingina.

Sjúkrahúsverkið metir, at føroyska koronukvittanin kann brúkast sum eitt slag av koronupassi á sama hátt sum tað sum júst er komið í Danmark.  

Tað sigur Kaj Leo Holm Johannesen, landsstýrismaður, í svari til Johan Dahl, løgtingsmann.