Eykajáttan til H-bygning, hjálparpakkar og Ternuna

Eykajáttan til H-bygning, hjálparpakkar og Ternuna
Landsstýrið ætlar at selja partabrøvini í Tjaldri og væntar at fáa 7-8 milliónir kr. fyri tey
H-bygningurin hjá Landssjúkrahúsinum, hjálparpakkarnir og Ternan kosta mest í eykajáttanini, sum er borin í tingið
 
14.04.2021 - 09:45

Fíggjarmálaráðið gav mánadagin løgtinginum eitt uppskot um eykajáttanarlóg.

Uppskotið verður helst lagt fram í morgin.

Jørgen Niclasen, landsstýrismaður, vil ikki siga, hvussu nógvar pengar, landsstýrið biður um hesaferð.

Men H-bygningurin hjá Landssjúkrahúsinum, hjálparpakkarnir og Ternan kosta mest.

Selja partabrøv í Tjaldri

Landsstýrið biður eisini um loyvi til at selja partabrøvini hjá landinum í Tjaldri.

Tjaldur ásetur á hvørjum aðalfundi prís á partabrøvum felagsins. Tann prísurin verður brúktur, um landið fær loyvi at selja partabrøvini.

Landið eigur tvey prosent í Tjaldri. Fyri prísin, sum nú er, fáast sjey til átta milliónir fyri tey. 

Jørgen Niclasen sigur, at vil løgtingið, at partabrøvini verða seld, verða tey boðin út alment til sølu.

Hetta verður fyrsta sølan av almennum partabrøvum. Tann næsta verður í heyst.
 

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979