Eftirgjørt koppingarevni í Póllandi og Meksiko

Amerikanski heilivágsframleiðarin, Pfizer, sigur seg hava eyðmerkt eftirgjørt koppingarevni í Póllandi og Meksiko, skrivar BBC News.

Heilsumyndugleikarnir í teimum báðum londunum løgdu hald á koppingarevni, og kanningar vísa, at talan var um eftirgjørt koppingarevni.

Í Meksiko hevði koppingarevnið óektaða frámerking, og í Póllandi var talan um heilivág fyri rukkur, sigur hivágsframleiðarin, Pfizer.

Hóttan móti fólkaheilsuni

Heimsheilsustovnurin ávarar um, at eftirgjørt koppingarevni er ein "hóttan móti alheims fólkaheilsuni", sum WHO málber seg.

Heilivágsframleiðarin hevur heitt á myndugleikarnar um at fáa eyðmerkt og tikið burtur eftirgjørda koppingarevnið.

Ein talsmaður hjá Pfizer sigur sambært bretska kringvarpinum, at stóri eftirspurningurin eftir Pfizer-koppingarevni er orsøkin til eftirgjørda koppingarevnið.

Í mars søgdu granskarar við BBC, at teir hava sæð vøkstur í eftirgjørdum koppingarevni og snýti við negativum koronukanningum, sum verða seldar.